電影 - 等一個人咖啡

一心以為係輕鬆愛情小品，點知原來係超級搞笑片，愛情只係配襯，笑位先係主角。最尾的香腸豆花，我直頭係笑到眼水左出黎。

跟那些年比，我比較喜歡咖啡。咖啡的故事幻想比較多，天馬行空。不過佢都有帶出dream is not only a dream 呢個道理。

最可惜係周慧敏都出現老態，有1，2個鏡頭真的出賣左佢，因腮已向下跌了。

飲食 - KUC SPACE

今日一個人出左佐敦，真係唔知食咩好，四圍行就醒起n 年前飲食男友講過一間好好feel 的cafe, 所以便去了。

一入到去都好迷惘，因好似全部枱full 晒，又唔知點叫野食啦。跟住有個外國職員俾問我几多位，同埋得一款野食。我話ok, 仲佢幫我搵埋位。

環境ok, 又好靜，真係可以relax 下。四圍放左好多貓貓畫，喵喵愛好者又一好去處。

野食都几好味，50蚊，有湯，沙律，同主菜。最特別係咩都係self-service，自已拿刀叉同埋水。俾錢都係自已找續。

呂洗頭水 (啡色)

呂洗頭手已不是什麼新鮮事，但我現在才用第一枝，真的好用，怪不得團購一直都有做。

這枝的用效是 hair strengthener 防脫髮。因近來洗頭時，掉下的頭髮常常把去水口塞住了，所以才覺得自已有呢個需要，朋友也介紹了呂給我。

由於現在呂已經四圍可見，所以價格也不會太高，我這枝在元朗買，$72，有2枝400ml + 180ml。所以我覺得價錢合理。

佢非常易起泡，一泵已經夠用，我本身是中長髮的。我平常會起泡後，打泡停留在頭上一陣再沖水。潔力非常好，我在晚上洗頭，頭髮到第二天的下午才會出一點油。真的是一級捧!!

佢有一般korea product 的人蔘味，中間還有一點薄荷，所以洗頭時會涼涼的感覺，夏天真是perfect, 不過冬天就可能會有點冷。

 而重點的脫髮功能，都不差。我用了三星期，至少洗頭時，去水口已不再塞得死死的，把所有水也擋住。

72元，做到這個效果，我覺得已是超值。

髮功能