食在屯門 - 銅貓咖啡

 

有一日, 一個唔知食咩, 好餓, 本來想食元氣, 但要等好耐, 見到銅貓咖啡都原來有飽肚野, 所以就去一試.

 

Order 完先發現係半自助, 你要俾錢先, 佢再俾個牌你, 你自己去搵位坐. 之後會有人送野食俾你. 我呢個係肉醬意粉加飲品, HKD62.

 

座位不多, 要好似茶餐廳 咁搭枱 >.< 枱面又有好多未執既杯. 食物到, 仲要好細碟, 一個細食既女仔會飽既... 但男人一定唔夠. 呢個份量只能做tea 羅. 味道一般, 真的無咩特別...

 

只能講, 同朋友叫杯野吹下水ok, 這裏絶不是食正餐的地方.

食在尖沙咀 - 中村藤吉香港店

 

等左咁耐中村藤吉熱潮己過, 咁我就可以去食啦. 一開店時, 有朋友去過, 但個時實在是誇張得很, 12點拿飛, 到4點先有位. 這樣驚人的長龍, 在下實在不夠嘗試.

 

之前在尖沙咀食野, 朋友話現在9點後這裏便不用排隊, 可直入. 好呀, 我終於可以一試啦.

 

 由於都近收工, 所以有 d 野都賣晒, 如我朋友想食的京都精選, 佢地都無晒lu~ 最後朋友叫左芭菲, 因個個人sell 我地話芭菲有齊晒店中大部份食品，由10樣野組成, 可以一次過試晒咁多野, 感覺好似好抵咁.

 

我叫左生茶啫喱 ($68), 其實說穿了就是紅豆白玉抺茶雪糕啫喱. 啫喱無咩味, 不過雪糕真的好味, 但可惜佢溶得好快. 上左台10分鍾, 我成日個雪糕己經溶晒, 變成抺茶奶, 好彩溝埋紅豆,無味啫喱同白玉都好夾, 好味. (呢個combo 根本無得輸)

 

總結,  我和朋友的意見, 呢係度over price左, 或者食物的價錢加左環境既錢入去, 如果無限時, 我諗我會多 d 黎, 因呢度几好坐, 同埋感覺好舒服.

食在元朗 - 萬芳冰室

之前同事同我提過元朗有過大過塊面既雞脾，今日終於可以同c6一齊假放假就去元朗拍下拖。

行去時，見到四圍一帶都係車房，所以個日好多的士哥哥係度食野。外面睇，真的幾靚，湖水藍的招牌，但入到去，咪又係金華咁既格局。

我入去，當然係叫生炸無敵大雞脾同懷舊紅豆冰， 但無餐，所以加埋都要5x, 說真的有肉赤的感覺。

 

黎到見到咁大隻，好鬼開心，食左少少，打算反轉佢會易食d. 點知發現世紀大騙案。

背面無肉既:-( 

我認，影相前我係切左下面少少，但上面係真的無左呀！望到呢個單面雞脾, 心都傷埋.

紅豆冰是我的安慰, $20一杯, 冰及紅豆夠多, 飲住呢杯野, 真的可找回童年回憶.

男友叫左常餐, 好大碟呀~ 見到厚切餐肉不禁嘩左聲. 多士不用加錢, 都會烘底, 令人有一樣抵左的感覺. 一個常餐咁多野都係 $40!! 可惜蛋雖然有蛋汁, 但不滑. 通粉林左.

 

 

總結, 其實味道一般, 但不排除店內有其他更好味既野.

今次之行, 除左單面雞脾外, 所有野都好似比一般大, 佢只能夠俾到一個"大件", 未能做到"抵食" 及 "好食". 原來佢遲下黎屯門開分店, 咁不用特別來元朗了.

主婦生活 - 蕃薯飯

 

放長假, 不小心病了, 無得出去玩, 留在家. 點知遇上下午落雨 T.T

一個人在家孤零零, 又冷冰冰呀, 陰公 （其實堅好耐無試過個人咁凍同埋手腳冰冷）

 

係病到傻下傻下, 又唔想叫外賣, 只好睇下屋企有咩物資.

結果俾我搵到, 昨天 BBQ 帶回來的蕃薯, 我的創意又出來啦.

我整爛左個蕃薯加埋米放入電飯煲度煲，變成現在的蕃薯飯 +口+

 

 

大家, 我知係好古怪, 不過可能因我用左雜米同埋搵到759紫菜包住, 成件事好好多. 因雜米本身無味, 所以有mix 左蕃薯同紫菜又几夾. 不過呢個飯都成為左我的 comfort food, 係我呢個病既晚上帶來一點搞笑.

食在太子 - 櫻之滙素食料理

又到同朋友食素的時間~ 雖然我不是無肉不歡, 但要做個全素人, 自問未夠道行. 不過同朋友偶而食素也是高興的, 而且新派素食也不油淋淋, 所以都係不錯的選擇.

 

今次叫左6樣野.

 

1. 牛油果焗多士 - 香脆, 夠熱, 不過牛油果不多

2. 軟殼蟹壽司 - 無咩特別, 一般的素壽司

3. 大阪燒 - 我很喜歡這個, 感覺有點像不油的pizza

4. 濃湯胡椒猴頭菇豬肚雲吞翅 - 這個冬天喝一流, 很奶, 而且有點辣, 很暖身

5. 白雪藏龍 - 其實是炒蛋白, 炒得滑, 不鞋

6. 杏仁露 - 這個味道比較炎, 但來一個清清的結尾還不錯