同男友偷得浮生半日閒咁去飲茶，本身想去新開酒樓試下，點知去到，新酒樓已俾人重重包圍。所以就去新斗記，自從多左間酒樓之後，新斗記都變得不再旺場，所以一去到就有位。
得2個人，叫得唔多，只係叫左4 樣。
1. 雪山叉燒包
2. 布拉格腸粉
3. 蝦餃拼盤
4. 魚頭雲
4 樣野，係拼盤同叉燒包差左少少，其他2樣都好好味。咁講左唔岩我口味的先。
拼盤係蝦餃，奶皇餃同埋粉果。我覺得3 樣的皮都好厚，由其係奶皇餃，雖然佢個樣好可愛，我會寧願食個奶皇包。同埋可能我有腸粉就更比下去。
雪山叉燒包，不合我口味，是因太油了。拿完上手，全是油。
魚頭雲，有4-5件，大約2個魚頭，佢連埋村弓一齊蒸，無腥味也沒有。我平常不食魚的，但不知為何很喜歡食這個。
布拉格白腸粉，呢個真的好食到不得了，很滑，而且有米香，好味到男友想叫多一碟
沒有留言:
張貼留言