月光光 - SONIA RYKIEL LONG EXTEND MASCARA

 

由於本人太愛買化妝, 所以每篇既清貨文都係好珍貴.  

今次我想講既係SONIA RYKIEL LONG EXTEND MASCARA. 其實 SR 都好似離開左香港好幾年, 但我都係之前有朋友去完日本,送俾我做手信, 我先有得用~

 

不過係做過唔少既產品之後, 我發現其實呢個牌子 d 野都不錯. 加上家下 yen 咁低, 去開日本的朋友都可以買來試下. (因以前香港的價錢實在實在太貴)

 

入返正題, 呢枝mascara 其實係我呢年既大愛, 好似自從用左之後, 我去每一次旅行, 都會帶埋佢. 同埋我以前真係會3個月到半年就掉一枝mascara. 因我覺得呢個product 根本唔會用得完 (因我不常化妝) 而且買Maybelline 都己經好好用. 唔洗買有牌子, 貴野.

 

不過呢枝令我改變左. 佢既好處在於佢好自然, 又可以拖到好長, 但又輕. 係日系的化妝品中, 我之前都有試過 lunasol 既 mascara, 初頭都很喜歡, 不過佢乾得好快, 同埋佢係keep 唔到半日. 所以我都係半年就掉左. 反而呢枝, 我到下午都仲ok , 所以佢變左了我化妝生涯中, 第一枝完全用完的 mascara.

 

不過呢枝 mascara 朋友買左紫色俾我, 唔夠黑, 所以我會再係上面加多層黑色既 mascara~ 但hold up 的能力都無改變~ 不愧係我現在的最愛.

食在荃灣 - 天恩健康素食

 

 在早排極凍的一天, 我同C6拍拖中, 話晒佢都係荃灣地膽當然叫佢諗食野, 係穿過左好多條天橋之後, 佢突然停係一間好細好細既鋪頭前面, 佢話就食呢間啦.

 

個一刻心入面諗, 無野呀, 咁難得2個人一齊放假點解唔食好 D AR...不過好同唔好都係一餐姐, 姑且食下啦.

 

HKD38, 有4個餸, 有湯, 再加飯任食.

餸就天天新款. 我個日有生菜, 毛豆豆腐, 南瓜芋頭, 勝瓜素肉

飯仲有得選, 就咁紅米, 紅米薑飯同埋粥.

湯都無味精呀, 飲完唔口乾.

 

味道是好味的, 我好鍾意個毛豆豆腐!!!! 小店實而不華

男友話平日這店經常都有人排隊, 一早己經好想食. 話難得我地今日早, 所以無人排. 佢講得無錯, 當我地食完, 剛好12點半, 食飯時間, 店外己有少少的人龍.

食在屯門 - 莆田

 

屯門開左莆田, 本來無打算去食, 因心底覺得會好貴. 點知滙X咭竟然有 set. 咁岩同家姐個日唔知食咩好, 就去試下. (仲要係因唔係好餓先去)

一坐低, 諗都唔洗諗, 就叫個2人餐啦.

 

我地擇左荔枝肉, 百秒黃花魚, 興化炒米粉

咁都要等大約10分鍾先開始上
一黎上左荔枝肉同炒米粉

雖然HKD268/2個人姐, 唔洗咁細呀, 好無奈咁食啦, 荔枝肉姐係咕嚕肉啦, 得個几粒. 碟米粉仲少過街邊粥鋪米粉, 只係多左2粒大蝦.

係個心諗緊,  得咁少唔知點樣食好, 救星就到啦, 仲一黎就黎2個.
分別上左扁肉湯同埋拼盤

呢餐既心情真的大上大落, 因之前仲擔心緊唔知夠唔夠食. 跟住之後所有野都係2份上. 上2個拼盤時, 隔離枱仲望住 tim~~~

食晒之前個4樣野都飽飽地, 點知仲有一人一條魚, 雖然魚不大, 但我真的唔好, 又飽飽地 所以叫埋男友過黎食左條魚佢!!!!!!!!! (好彩佢係付近)

個餐仲有一碗糖水 (不過又係無咩味)

總結, 今餐HKD268, 我覺得雖然沒有令人驚喜的菜色, 但以這個價錢絶對是合理的.

加上佢杯茶係菊花, 又可消滯, 也帶來啖啖清香.
佢個個辣醬用來食米粉同食魚都惹味.
 

 

 

食在尖沙咀 - 異素

又到同素食朋聚會的時間, 今次擇左呢間係尖咀的中東素食.

異素, 我頭頭仲以為好難搵, 點知原來樓下有個牌. 非常好認~

 

上到去, 大約6張枱到, 裝修簡單. 仲有間房tim.

 

 

成張餐牌都係雞腸, 好彩waiter 係會過黎幫你解釋一番, 如果唔係, 可能睇完都唔知叫咩好. 傾完一輪, 終於有結論食咩~

 

 

左: Baba Ghanooj

中: Wild Thyme Dip

右: Pita Bread

由於咩都係一 pat pat 的關係, 我只能講 Baba Ghanooj 係比較酸, 而Wild Thyme Dip 係辣辣地, 惹味 d. 不過 pita bread 就真的比較差, 好乾. 呢2個做前菜都几開胃.

 

 

左上: Falafel

右上: Coconut Creamed Spinach

中間: Hummus Pizza

左下: Laban

右下: Sabanek

 

Falafel 係炸的, 好香口, 不過比較硬同埋中間都係無咩味

Coconut Creamed Spinach 都係無咩味, 似係就咁炒左

Hummus Pizza 上面豆溶加豆, 又係無咩味

Laban 係好天然的yogurt 味, 咁中間有少少青瓜絲

Sabanek 係印度米, 比較生, 同埋原來圍住的係波菜蓉

 

每人大約hkd200

 

總結, 原來人試新野都有極限. 今次呢間我真的接受唔到. 我之前好鍾意食印度野, 但我真的無諗過我接受唔到中東菜. 好多個食物, 我都覺得無咩味. 但我相信呢間應該係正宗, 因當晚好多本土人食. 我諗可能係我唔識得欣賞.