在早排極凍的一天, 我同C6拍拖中, 話晒佢都係荃灣地膽當然叫佢諗食野, 係穿過左好多條天橋之後, 佢突然停係一間好細好細既鋪頭前面, 佢話就食呢間啦.
個一刻心入面諗, 無野呀, 咁難得2個人一齊放假點解唔食好 D AR...不過好同唔好都係一餐姐, 姑且食下啦.
HKD38, 有4個餸, 有湯, 再加飯任食.
餸就天天新款. 我個日有生菜, 毛豆豆腐, 南瓜芋頭, 勝瓜素肉
飯仲有得選, 就咁紅米, 紅米薑飯同埋粥.
湯都無味精呀, 飲完唔口乾.
味道是好味的, 我好鍾意個毛豆豆腐!!!! 小店實而不華
男友話平日這店經常都有人排隊, 一早己經好想食. 話難得我地今日早, 所以無人排. 佢講得無錯, 當我地食完, 剛好12點半, 食飯時間, 店外己有少少的人龍.
沒有留言:
張貼留言