化妝品 - YSL Le Cushion Encre de Peau

 

YSL BB CUSHION FOUNDATION  近排HIT 爆, 所以家中有勁多 FOUNDATION  的我都忍唔住買左個.

HKD$480, 只係得一個 CASE + REFILL

以 BB CUSHION 的價位真的貴爆

不過佢的 PACKAGING 比其他的 BB CUSHION 輕加上黑金, 走型格路線, 打開都會感受到奢華.

 

 

LEFT 係素顏

RIGHT 係上左2層

 

佢質地薄, 都算係乾爽

COVERAGE 只係一般,

黑眼圈要另外遮, 就咁上BB CUSHION, 只會係眼底灰左.

上左面不會笠笠靈, 但會光光地, 令人覺得有精神, 不過佢顏色會比較白, 大家要小心.

用之前請做好保濕打底, 如果唔係, 效果唔出.

佢係好貼面, 不過不太持久 (注意!!!)

 

總結, 不會回購, 因定價實在太高, 相信HKD$480 可以找到更好的

 

 

月光光 - Fleurance Nature Skincare

 有一排想試下呢 d 標榜天然的 skincare, 剛好見到呢個無用過既牌就試下.

 

我用的是以下2樣

 

1.  Anti-aging Light Cream

 

 

 

2. Brightening Corrector Care

 

 

 

 呢2枝比較搞笑, 個light cream 真的好light, 質地好水, 好稀, 反而個corrector care 就好傑. 所以我用時都係溝埋用, 一樣一滴. 2枝亙補不足, 上面個下都係比較潤, 不過就佢就吸收比較快, 1-2分鍾己吸完, 可以上妝.

 

總結, Fleurance Nature 呢個牌子試過就算, 價錢中位, 我信相會找到更好的. 同埋一買要買2枝, 而得單一枝就唔夠力, 或者太笠, 質地不討好. (以上只是個人感受) 

如其花多左錢去買2樣東西, 不如將錢花在下一件更好的東西之上.

護膚品 - Tarte Pure Maracuja Oil

呢幾年興用 facial oil, 我第一次接觸facial oil 係 HABA 鯊烯油, 個時用覺得好古怪.

不過現在一到冬天, 我都會用facial oil, 可能呢1-2年真的乾太利害或者係皮膚己經到達熟齡肌.

 

呢枝 Tarte Pure Maracjua Oil 係我之前買Tarte 產品, 一set 跟埋的. 雖然細細枝, 佢都有個泵既, 但個泵好似唔係好work, 所以我都係直接倒出黎用.

 

不過我覺得呢枝Oil 不太合我心水.

 

一, 用的份量比較多

 

二, 佢吸得比較慢, 上左面之後, 會油油的, 而且那個時間都比較長

 

三, 佢放耐左, 真的會"益". 由於佢咁細枝, 我用左一陣, 佢就埋沒左係我的skin care 堆入面, 我估隔左半年到, 佢先出現返. 不過再用, 就己經有陣油益味. 所以大家買左, 就真係要專心一意的用~

購物情報 - 12蚊店指甲貼

 

昨天去左行12蚊店, 家下12蚊店多左好多野, 我次次都可以行好耐. 今次最吸引到既新品係呢 d 咁日系的指甲貼.

 

指甲貼己流行左好耐, 我本人就好少用, 因懶, 所以多數都係油單色. 不過我有不少玩指甲出神入化的朋友, 佢地好喜歡指甲貼, 因自己畫花, 好多時都會失手, 但甲貼只需要油完個底, 放上去, 再封面就可以, 簡單凡常.

食在銅鑼灣 - Three Dice Kitchen

同朋友gathering, 佢地話帶我食新野, 但要立食個半鍾, 仲要自己去7仔買野飲.

就咁係呢個開頭己經覺得好得意.  

經過 Lee Garden 向後行, 再轉多幾轉, 就黎到呢間Three Dice Kitchen. 望入去第一眼, 真係一張chair 都無, 只係有勾係牆上面同埋bar 枱下面. 咁你右手大褸, 左手手袋, 都可以勾住, 唔洗放地下.

鋪面好簡約, 成間都係白色, 最多只可以企到12個人, 不過我地個日8個人包左場, 都倘算鬆動. 企到倦都可以行下幾步, 如果隔離係唔識既, 只可以乖乖地, 企定定係度. 所以我覺得最好都係包場

 

咁佢HKD 200, 有6道菜

 

如圖, 除左最尾的煲仔飯, 每樣都係得一啖到. 所以怕唔夠的人, 請事前或事後打底. (我就之後去左食湯圓 ^-^")

 

6道菜入面, 我最like 係第一個波子蕃茄, 佢係扮波子汽水入面粒波子, 咬落去會有"炸"一聲的感覺, 真的好過引. 而其他的分子技巧, 我之前食分子食物時, 都試過, 所以我最有新鮮感就係呢個啦.

 

雖然餐飯係企係度食, 但時間都過得好快, 而且不會悶, 因大廚會係你面前半cook, 姐係好似個哈密瓜分子晶球咁, 佢會係你面前整個晶球出黎. 好有互動. 中間大廚都會同你有講有笑.
 

 

到最尾, 佢都會送個小遊戲俾你玩的 (雖然係公開的秘密, 但我係度不講了,留返大家去時興奮下)

 

咁佢除左呢個 set dinner , 仲會有蜜糖同埋geek yogurt 買

我試左荔枝味, 好fresh 几好味 !!!

總結, 我覺得成件事係一個體驗多於食, hkd200 玩你個半鍾, 又可以對分子料理多 d 理解, 其實不算貴. 講真去食分子甜品, 都HKD100 一份. 佢HKD200, 有6樣你試真的好好. 呢個真的係分子料理入門版.