食在屯門 - 大門拉麵@二 之 新加坡油麵

 

自從大門拉麵紅左, 日日有人排隊之後, 我就無再食過.

咁岩有日經過, 見到有新麵同埋只有1 PAIR 人等緊, 我就入去試下新野.

 

新野係新加坡油麵, 辣度有2隻

之前鬼門拉麵辣度係3隻, 所以呢個都唔係少野. 不過就係後辣, 食完先覺得辣, 要狂飲水.

 

我覺得呢個新麵不及舊麵 (大門油麵) 出色, 無想再翻食的感覺.

新加坡油麵, 我估係因為 D 餸的關係, 因有蝦, 豆卜, 魚旦同埋豬. 對比佢本身的麵. 己經係好多好多餸, 但佢汁都好似有少少蝦醬味 (只係本人覺得, 唔知實質有無)

可惜佢 D 豬仍然係好大陣豬味.

 

想試新野的朋友不防一試~

食在屯門 - Cafe 360

早前係HSBC 禁完錢, 望一望對面, 多左條樓梯叫人行上去, 咁八卦既我當然行上去. 原來係之前做開電腦鋪頭既位改左做 Cafe 360. 所以佢既正門都係aeon bb 部再入.

 

 座位裝修得不錯, cafe 格局, 我最欣賞佢有單人位!!!

最正係單人位仲要有 USB 位俾你叉電!!!

 

回歸正題, 由於我只係食過 tea, 所以都未能好sure 其他野好唔好食.

咁佢係半自助式, 有人帶位, 有人幫你落單, 但埋單就自己拿張單去cashier 俾錢, 唔洗加一.

 

我呢個餐HKD48, 有肉醬意粉同埋酥皮忌廉湯, 送熱飲, 凍飲加 3蚊.

 

味道一般, 我覺得水準係 super sandwich 個 d 級數, 不過我會去食多幾次, 試真 d.

食在紅磡 - Burger King

自從之前 BURGER KING 既分店執晒之後, 我己經好耐好耐無食過 BURGER KING.

本來係想去 PACIFIC COFFEE 買杯野飲. 點知俾我見到 BURGER KING, 二話不說立即9衝去買個餐先.

 

我呢個係芝士華堡磨菇包餐, HKD56. 價錢無咩加.

 

 

打開個包, 己經覺得同其他快餐龍頭無得比...

肉係真肉

芝士係真芝士 (唔係俾隻角黎呃你)

磨菇仲有彈性呀 (好滾動)

菜不是垃圾

蕃茄有2塊

 

 

不過佢換左包住個包張紙

有咩特別 ORDER都可以係張紙度睇到, 好方便~

 

太開心, 唔洗再入禁區食啦~ V^^V

 

鴻星公仔點心

 

之前放假同家中小魔怪去左飲茶

為左公仔點心, 特登去鴻星

叫左2款都好可愛的panda 同埋獅子王

 

PANDA 其實係芝麻包

獅子王係芒果包 (比較古怪)

 

 

食在屯門 - Tokyo milk cheese factory

 

屯門呢幾個月開左間pop up cheese cake 店

全間店只售cheese cake 同埋芝士曲奇

cheese cake 有3種, 綠茶牛奶芝士餅, 牛奶芝士餅, 艾登芝士蛋糕

芝士曲奇有海鹽同蜜糖

 

 

 

由於綠茶牛奶芝士餅係限量品, 所以一直都試唔到

加上職員話其實綠茶牛奶芝士餅, 只係牛奶芝士餅加左綠茶粉. 所以就立即包左個牛奶芝士餅回家.

 

等齊人返來, 就可以係雪櫃拿個蛋糕出黎.

 

 

 

一打開好靚呀, 日本仔 packaging 真的做得好好. 打開個外盒, 入面有張靚靚黃色紙包住, 入面再有個硬膠盒, 防止變形.

 

 

千辛萬苦終於入正題. 

 

佢介紹就話有3層唔同質地既, 其實我就食唔出, 只係覺得佢個質地好林, 有少少似 mousse, 芝士味不重, 所以食多 d 都無問題, 唔會有漏的感覺. 我地一家4個人食, 每人食1/4 都無問題!!

 

由於佢要冷藏的關係, 個cake 入口都凍凍地. 夏天食一流.