讀後感 - 斷捨離流 (捨斷離) by 山下英子

呢本書hit 左幾年, 但我係早排在書局打書釘才發現.

身為一個有交稅既納稅人, 當然係去圖書館搵左先啦~~ 一來唔想增加家中雜物, 二來又可以用下政府資源 ^_^

可能我呢本係2013 年比較早期的出品, 所以名字有少少不同, 不過書的中心思想還是差不多.

書中文字簡潔, 全書分成3章.
第一章, 解讀為何家中有咁多雜物
第二章, 了解自己是否真正需要那些物品
第三章, 解釋每一類捨不得掉的東西背後的真正思想以及如何令自己放開, 掉棄

這書的背後意義係從掉野，了解自己所需, 忠於自己。從掉野，清走心中不安與垃圾. 由實際行動後，改變念頭，再改變環境及自己。學習放棄一d 其實對自己沒意義的事與物, 也不要投放太多無謂的感情. 由捨棄多餘廢物, 進而探訪深層的自己。對於過度的願望，期待及恐懼放下，解放自己.

一開始, 以為這本書只是講收納或就是教你掉晒家中所有物品. 在閱讀的過程中, 你會不斷明白自己的感覺. 在書中, 有提及那些捨不得掉的深層意思, 也會回想一下自己是否有同樣的諗法. 而掉棄原來就是行為心理學!!!藉由掉棄呢個行為去放下, 釋放.

睇完本書, 會明白有d 東西及一時觀念係要放下, 好多野其實係唔需要在我們的生活中出現. 自己也要走出呢 d 思想. 呢 d 思想未必會影響你日常生活, 但清走左, 可把你變成更好的人.

在清理雜物後, 見到間房越來越多位, 真係會開心好多.

大家有時間都可以睇一睇.

 

NO NG items - Cover Fx bb gel and Rodial SPF30 Instragam Skintint

  一路以來, 我也很少會說雷品, 但這2枝bb cream 真的伏很大.

雖然它們的名字不是bb cream, 但它們不是粉底液, 而且也是主打薄, 所以我介定它們為 bb cream

 

 

Cover FX bb gel 是我愛看的 blogger makeup geek 有一期的大愛,  所以香港一有, 我就衝去買.

質地跟makeup geek 說的一樣, 剛開始會是gel 的質地, 乾了之後會變粉

在她的youtube, 這個bb gel 很好的, 很自然

但用在我的面上, 很厚, 怎樣也推不開.

乾了之後, 更變成大粉人...

我用了3次, 還是一樣

之後就垃圾筒見

 

 

 

Rodial SPF30 Instragam Skintint 我買之前己看了外國化妝網站的評分, 佢係4/5.

評分十分高

唉, 還是中了伏

剛上時, 還可以

過了1-2小時就溶了

它比 Cover Fx 好一點, 但之後佢會裂開...

太可怕, 就算用保濕噴霧也救不了

同樣也是, 3次之後垃圾筒見

食在灣仔 - 知味屋牛扒任食

之前在網上見到有 hkd 98 牛扒任食, 呢個價錢仲平過扒王之王同椰林腳, 當然9秒9打去 book 枱啦. 有2個時段, 同埋現在呢個優惠己經係長期做, 唔洗怕食唔到~

 

我地早左5分鍾到, 己經見到有一條小小既人龍企左係門口, 心諗唔係要排呀, 好彩原來係人齊先入得, 所以個 d 人都係等人的. 入到去, 除左牛扒任食仲有其他餐. 同埋加 HKD8 有野飲. 因為唔想再諗, 所以都係堅持食 HKD98.

 

 

咁HKD 98, 除左牛扒, 仲有包沙律, 薯條, 羅宋湯同埋蒜蓉包.

 

 

我覺得整體都唔錯, 絕對值HKD 98 既.

所有野, 你再叫, 佢都會好快手再出俾你, 唔似有d 店要等好耐先有第二份.

我同我朋友其實都食唔到75分鍾, 但總共叫左5塊牛扒同埋好多其他野, 真的飽住走.

食在尖沙咀 - Via Tokyo

 

Via Tokyo 已在香港一段日子, 由於本人深居簡出, 所以家下先食到.

 

難得黎到, 仲要之前排左一陣小隊, 當然叫呢個有齊晒所有願望的combo 啦.

有原味, 綠茶, 芝麻雪糕!!

 

佢既雪糕好滑, 但我最like 係芝麻.

我覺得佢綠茶雪糕不是太特別, 可能因市面上有太多, 同埋我感覺唔到佢有過人之處.

 

不過芝麻是一個驚奇. 驚奇在於黎呢度一心食綠茶, 但佢比綠茶更出色!

絕對值得一食

 

申利: 本人是濃味怪

 

食在屯門 - 嘆甜品

 

好多時星期六日夜晚, 坐小巴經過紅橋都會見到呢間鋪頭係排晒隊

今次我同朋友星期一至五晚去, 所以唔洗排 ^.^

 

我同朋友一個人叫左一個WAFFLE (送雪糕)

 

1. 焦糖脆脆

2. 綠茶紅豆麻薯

 

當食物來到, 我就明白點解每逢放假都會大排人龍, 未食落口, 見到咁可愛既貓貓畫花都己經心動, 賣相一流.

 

食落去仲要有內涵.
 

焦糖脆脆係比較甜 (叫得都預左), 佢個餅底同埋脆脆粒都好味. 餅底夠熱, 唔係林, 加埋上面的CREAM 同埋吉士, 好好味.

 

綠茶紅豆麻薯堅係一絕.  雖然佢無咩醬, 但佢個餅底先係精髓

餅底係食唔到綠茶味, 但佢中間有麻薯粒粒, 食落去煙煙LUN LUN, 加埋紅豆同CREAM, 真係無得輸

 

呢間小店絕對係推介

 

 

 

 

 

食在屯門 - Marka House

朋友話屯門紅橋開左新餐廳,  當然要去試啦~

 

去到門口靚靚, 叫 MARKA HOUSE

 

一入去坐底, 走高級西餐廳路線.

燈光比較暗, 有情調. 座位唔多, 6-8 枱到啦~

 

打開menu, 無 set dinner, 得散叫

 

 

menu 得2頁

 

我地叫左4樣野

 

1. 霧化山葵脆魷魚

2. 松露煙肉芝士薯條配溫泉蛋

3. 南瓜大蝦意大利飯

4. 特級肉眼扒, 野菌黑松露薯蓉

 

 問心, 食物質數一般, 如果以HKD200一個係屯門食, 係貴. 不過由於我無食晒成個 MENU, 可能佢有出色的東西, 但唔係我叫呢4樣.

 

除左霧化山葵脆魷魚, 個霧化有少少驚奇外, 其他3樣都好普通. 普通到, 我去自己返屋企整或者去 BABY CAFE 都得.

 

牛扒不論賣相同口感, 都係似係屋企水準. 松露煙肉芝士薯條配溫泉蛋得上面有芝士, 底下只係普通薯條. 全晚最好味係南瓜大蝦意大利飯, 飯彈牙, 有質感, 不過蝦得2隻.

 

不過我諗我只係叫錯左野, 因我見到第二枱ORDER 左個三文魚好似好好味, 同埋佢有樣野會即場磨芝士.

食在觀塘 - The Stadium

 

 

經開觀塘, 就會想係工業區入面搵食, 因工業區入面家下開多左好多新餐廳, 有特色而且價錢唔貴. 係工業區行來行去, 最後決定黎左呢間以睇波做主題既 THE STADIUM.

 

一入去, 有好多好多電視, 一個酒吧, 一個POOL TABLE, 走西野路線. 我諗如果有 NBA 或者有咩主要賽事要打, 呢度一定爆場. 同埋佢有個露台, 仲可以俾人食煙.  

 

佢連隻杯同埋墊枱紙都好夾主題, 岩晒 D 外國回流既 ABC

 

 

我叫左個 ANGUS BEEF BURGER $118
 

有沙律, 薯條, 漢堡包同飲品

份量大, 我最後係食唔晒 D 薯條

食物即叫即造, 薯條同漢堡包都係辣手
佢呢個burger 有肉汁, 唔會太乾

食物質數同價錢合理, 岩晒
一大班人放工黎呢度Happy hour, 吹下水, 岩晒

月光光 - April skin bb cushion

April Skin bb cushion 之前紅極一時, 由於價錢太平, 所以都忍唔住買左一個試下.

 

用過你就會明白點解佢咁紅. 佢的優點的確唔少, CP價高.

佢之前爆紅到咁, 我都唔做試色圖, 因google 一打, 大把有得你睇.

由最貴16X到現在賣到爛,跌價落到100蚊樓下, 價錢都絕對可以接受.

你堅係日日用, 份量可以用到一個月, 但如果你一星期只化几次妝, 咁2-3個月都會頂到.

 

佢的優點:

1. 佢都令我對 bb cushion 改觀左好多.  由於佢的2個 cushion 的design, 令你唔會好似其他bb cushion 咁樣攞得太多份量而搞到呢一世都唔乾, 或者面永遠都是濕濕的. 佢的清爽令我驚訝不而.

2. 佢遮瑕度高, 好多時拿一次的份量己足夠用全面, 但當然黑眼圈就另計啦.

 

但世事無完全, 佢都有佢的缺點:

1. 顏色選擇少, 不夠大眾化, 比較黑以及喜歡健康膚色的人可能唔夠黑

2. 持久度不足, 長期在冷氣房的我, 半天就要補一補妝, 如果呢個時候係街, 我諗唔洗2個鍾, 個妝己經溶得7788

 

總結, 如果你剛用完 bb cushion 想試新野, 或者夏天己經過去. 你決對可以一試 april skin bb cushion!!

 

 

一個月深蹲挑戰 Squat Challenge

 

之前係 facebook 見到呢張圖, 因想改善腿部線條, 所以我就下定決心做一次.

我會係每日沖涼前做, 做完一身汗, 順手沖埋.

 

其實有呢 d 短期 goal 都几好, 可以建立好自己的恒心.

我第一日做50下, 分左3次做, 每次5下, very easy. 

但到左 Day 5, 抖左一日, 仲要做70下squat 己經想死. 次次都係抖完一日, 之後再做係最辛苦呀!

 

雖然我最後都無完成成個challenge, 我去到230下己經停左.

原因係腳太痛, 可能真係短時間之內做太多.

本來係15-20下一組, 但最勁, 我可以提升到50下一組.

可惜到左230下個時, 我每組做10下, 全日唔同時間做, 做夠數時, 隻腳都好痛.

無計隻腳都頂唔順. 可能我position 有問題, 所以隻腳會痛.

 

用左23日, 由50下去到230下. 最大的滿足不在於大脾firm 左, 成隻腳靚晒, 而係自己內在的改變.

其實2015年尾到2016, 我覺得自己改變了不少. 有好同事陪我一齊玩夜盲俠, 完成人生第一個20k, 再去左combadia 同越南旅行. 再家下set up short term goal.

 

每完成一個 goal, 都會令自己有好似有枝強心針咁, 想再定下一個目標同埋想再試下可否再挑戰下自己.

 

食在灣仔 - 一虎拉麵

今日同同事去左書展, 之後當然係灣仔食埋飯先散水.

 

其實上年完左書展己經想去一虎, 但可惜上年一早己經有一條人龍, 所以最後食左第2間. 今年我地早左完, 一黎到就有位.

 

我見到呢個季節限定既"檸檬拉麵", 己經忍唔住叫, 因實在太得意. 

一黎到, 見到同個圖一樣有幾片檸檬係上面.

未食之前, 當然係飲啖湯底先啦. 由於有檸檬, 所以個湯底好 FRESH, 無左原本的漏.

一路食, 檸檬味會越黎越出, 果然係夏季限定 XD

一虎拉麵同其他拉麵一樣, 有得選擇配料, 麵的質地, 不過佢仲有粗幼, 俾你選擇.
非常貼心.

餃子煎得好香, 佢中間更會有肉汁, 不過一碟5件, 要有朋友先食得晒.

情緒低落

呢2日情緒低落，低落到一個點，係連心中想法都唔敢話俾人知，怕被告知的人會擔心，被會令關心我的人帶來負累，雖然話俾佢地知我唔開心，佢地已經好苦惱。

諗左一整天，都解決不了心中的結。心中不斷咁自已可以做咩，點解自已會咁諗，諗到頭都爆。

好彩剛開左電視，做緊我們這一家，半真心咁笑左陣。低落的心情終於回升。

被人不喜歡，唔緊要
被人放棄，唔緊要

最緊要自已唔好放棄自已

2016 Cambodia 柬埔寨之旅 Day 3

第三日行程: Phnom Koulen mountain (River thousand Linga), Banteay Srey, Tonle Sap lake and floating village with sunset

 

今日的行程係外圈, 所以 Mr. Srey 接我地之後, 就要渣3個鍾車去 Phnom Koulen Mountain. Phnom Koulen Mountain 係出產磚既地方, 所以地下都會係紅色, 當柬埔寨無咩石既時候, 就係用呢度既土地去造磚起寺廟. 係個度種出黎既香蕉都係紅色呀.

 

黎到 Phnom Koulen mountain, 第一個景點會去睇大佛, 沿路有會七頭蛇同埋金翅鳥陪伴你

 

側睡的大佛

River thousand Linga

河底刻左經文, 所有經過既河水都會變成被祝福過的河水, 咁人民就可以一直飲著被祝福的水, 好聰明

附近有2個瀑布, 呢個係細瀑布



再向下走,  就會見到呢個大瀑布, 好多人係度游泳

呢個係 Mr. Srey 買俾我地既當地小食, 佢好似粢飯咁, 只不過入面變左係一隻蕉.

出面煙煙韌韌, 入面又甜甜地

 

 

第二個景點- 女皇宮 Banteay Srey

地方不大, 行10分鍾都行完, 成個紅色. 不過所有刻畫都好仔細, 公仔有表情, 同埋圖畫有故事性.

 

 

第三個景點 - Tonle Sap lake and floating village

 

Tonle Sap Lake 係淡水湖, 大到可以住人, 中間會有浮標認路

由於有人住, 所以都有 floating village 俾人買野, 同埋有餐廳

我地上過其中一隻, 都係買係地上面見到既手信同埋有鱷魚仔

呢度都係一個睇日落的好地方

 



 

由於第4日係早機, 所以今次的柬埔寨之旅完滿結束. 由識得去旅行之後, 次次都係去日本, 韓國, 曼谷呢 d shopping 地方, 突然今次黎到呢個純睇景既柬埔寨, 咩都好新鮮. 由其係當你要4點起身, 9點就訓, 都仲要覺得日日都好好玩, 好新奇, 真的好難得. 呢個地方, 真的無黎錯.

 

2016 Cambodia 柬埔寨之旅 Day 2

第二日行程 : Angkor Wat, Bayon Baphoun, Elephant Terrace, Terrace of lepper king, Ta Prohm, Preah Khan, Neak Pean Lake

 

由於要趕返昨天 delay 的行程, 所以今日行程真的好密

 

首先到 Angkor Wat 小吳哥睇日出, 半夜4點就要出發, 但當我地到達時, 己經有好多老外企左係度等啦~

 

 

睇完日出, 就係付近草地食酒店 pack 給我們的早餐, 中間會有細路仔問你攞野食, 所以食唔晒都可以俾佢地, 好過掉左. 原來柬埔寨的猴子條尾咁直咁長~ 不過佢地同樣係見到膠袋就會搶... 天下猴子一樣黑.

走入Angkor Wat, 其實入面真的好大同埋牆畫好 detail. 同埋每一個都唔一樣, 真係覺得以前古代人好 amazing.

 



 

之後我地就要追行程啦~

 

Bayon Baphoun, Phimeanakas

 

實物好高, 分2段. 我行左第1段上左去, 望下風景, 因第2段太斜, 我怕自己上左去, 落唔返黎, 所以無上到塔尖. 不過好彩無上去咋, 我係第1段落返黎, 己經好驚, 仲俾個細路仔笑我 T.T

Elephant Terrace

 



 

Ta Prohm

呢個寺係闍耶跋摩七世為紀念母親興建, 入到去的感覺好舒服, 令人感受到寧靜, 平和. 四圍被好多高大, 而直的白色樹所包圍. 不過寺中有不少部份被樹根損毀.



 

入面真係處處都係影相位

 

 

Preah Khan

 

由於太倦, 我地黎到聖劍寺, 真係力都無. 所以我地係寺內迷路了, 好彩我地都見到呢個景點, 如果唔係, 真係白行左.



 

Neak Pean Lake

 

黎到涅盤寺, 其實出面呢個湖比入面的寺更值得睇. 我呢張相係影唔出它的美. 又係水天一色, 無限申展



 

呢個就係涅盤寺中間的蛇神

 

第二日完

2016 Cambodia 柬埔寨之旅 Day 1

第一天的行程 : South Gate of Angkor Thom, Bakheng Mountain

 

 

原來柬埔寨同香港仲近過 Bangkok~ 不過個日坐港龍delay 左2個鍾先到 T.T

 

Mr. Srey 係機場接左我地, 再到酒店 check in, 食埋lunch, 買埋 USD40 的3日 pass, 我地的行程正式開始.

  

入到 Angkor 個感覺好得意, 好似去左片場咁.

呢個係 South Gate of Angkor Thom 最出名的微笑高棉

 

 

行完South Gate之後就上Bakheng Mountain去準備睇日落啦~

其實有得坐象象上去, 但 Mr Srey 話唔抵, 唔俾我地坐, 仲哄我地話行10分鍾姐, 行下啦你地~

見佢仲買左生果俾我地食, 我地就乖乖行上去

上到去, 我地就知點解要咁早上, 因為 Phnom Bakheng 係限300人係上面, 仲要係一個人出, 先再俾一個人入, 所以大家都係度排晒隊, 好彩我地都唔係排左好耐, 就有得上, 仲趕得切日落.

 

 

係得到美景之前, 都要付出一下, 行完呢個3層的樓梯就到呀啦 !!!

 

 

第一天就見到呢個景, 就己經覺得今次的旅程不枉此行.

第一天, 完.



Cambodia 柬埔寨之旅 - 準備篇

係好多年前係 Discovery Channel 睇到介紹柬埔寨的節目己經好想去.

一來,覺得好神秘

二來, 個集 Discovery 話 d 石頭會被人偷晒去賣, 所以要去就要早d 去

 

今年終於有朋友肯同我去啦 !!!!! 

 

大家都唔想煩, 所以去左買 package, 一次過搞晒機票同酒店.

跟住就去尖沙咀柬埔寨領事館做 VISA

VISA HKD320 進出一次

去到領事館, 由俾錢, 俾 form, 拿回證件只需要5分鍾

唯一難度係佢開星期一至五 office hour, 不過不能親身去的人, 搵courier 代勞也可以.

 

另外一樣我覺得好重要既野就係BOOK 司機

去發展中國家, 我覺得呢樣野好重要, 加上我地全女班, 還是安全 d 好.

 

 

咁上網睇人 D BLOG 就搵到呢間 ASEAN ANGKOR GUIDE

去之前己經講好晒價錢同埋包 D 咩, 非常好!

由於我地全程要求私家車而唔係 TUK TUK, 所以價錢會貴少少, 不過去完, 我覺得好值得要求私家車. 至少行完 D TEMPLE, 個人熱辣辣, 可以坐係有冷氣既車入面, 用凍毛巾FU面. 又唔會成面風沙~

 

我地係3日的行程, 價錢都只不過係 USD 130

佢包左司機, 3日既凍水, 凍毛巾, 3日全日既行程, 來回機場接送

司機都會充當導遊, 會用簡單英語介紹下每一個景點

 

我覺得我今次呢個司機係值得推介的, Mr. Srey

佢手車好定, 好小心, 就算去長途的女皇宮, 佢都可以中間一 d chok 都無. 安然上車訓到落車, 3個鍾的車程完全無醒過.

同埋有時佢會買定d 小食生果俾我地係中途食

 

有次我想買小食, 俾佢阻止左, 因佢己經為我們準備左 (hehe 真係好貼心)

 

佢令我地的旅程更完滿

 

食在尖咀 - Le Paradis Restaurant & Cafe (法式私房菜)

 去左朋友的生日party, 佢選擇左呢間~ 原因好簡單, 因主角話要係尖沙咀食

係香港好少食法國野, 更別談法國私房菜.

 

一行10人, 所以餐廳都好好, 俾我地自成一角,唔好嘈到人.

 

餐廳有 min charge, 所以就係叫左 set dinner, 不用煩.

 

 

Set Dinner $398 (都係 min charge 的價錢)
佢有湯, salad, 頭盤, 主菜同埋甜品

我本來叫左扒石班柳, 不過因無貨, 所以轉左做三文魚

食物份量都係大大件

沙律無咩特別, 都係酸酸甜甜咁
個磨菇湯唔記得影, 個碗係同沙律個個一樣大, 真係飲完都飽左一半
味道不過不失, 都飲得出唔係金寶 hehe

頭盤係西班牙火腿加哈蜜瓜, 佢入口又香又好軟

主菜 - 三文魚扒
平日我都怕叫三文魚扒, 怕會好流, 食一半就唔想食
不過呢個都ok, 個面又煎得脆, 同埋佢下面有蕃茄, 會中和返少少

甜品 - 法式焦糖燉蛋
食完主菜, 其實都己經好飽, 扯晒白旗
不過個餐包左, 點都要食
佢個個燉蛋係無脆面既, 佢似一個焦糖布丁, 好香蛋味同埋滑

說真的, 除左一開始個 focaccia 之外, 成餐都感覺不到很法國. 他是港式法國. 性價比還可以, 因HKD400 可以食到咁多野, 仲要樣樣都唔差, 己經好好. 一行10人坐得舒服, 任傾唔嬲, 無趕走, 係要俾呢 d 價.

呢間都可列入一大班人食飯的回頭之選