食在灣仔 - 一虎拉麵

今日同同事去左書展, 之後當然係灣仔食埋飯先散水.

 

其實上年完左書展己經想去一虎, 但可惜上年一早己經有一條人龍, 所以最後食左第2間. 今年我地早左完, 一黎到就有位.

 

我見到呢個季節限定既"檸檬拉麵", 己經忍唔住叫, 因實在太得意. 

一黎到, 見到同個圖一樣有幾片檸檬係上面.

未食之前, 當然係飲啖湯底先啦. 由於有檸檬, 所以個湯底好 FRESH, 無左原本的漏.

一路食, 檸檬味會越黎越出, 果然係夏季限定 XD

一虎拉麵同其他拉麵一樣, 有得選擇配料, 麵的質地, 不過佢仲有粗幼, 俾你選擇.
非常貼心.

餃子煎得好香, 佢中間更會有肉汁, 不過一碟5件, 要有朋友先食得晒.